Nobody is above the law!’
Sa pagkakataong ito hindi naging ‘Beeda’ si Jollibee makaraang mahuli itong nagmamaneho ng delivery motorcycle na walang suot na helmet.
Makikita sa larawan si Jollibee habang nakamotor at nang ito’y mahuli ng awtoridad.
Bagaman mapanganib sa mascot na magmaneho sa ganoong sitwasyon ay naging katatawan naman ito sa mga netizen.
Si Jollibee ay tila inimbitahan sa Mangatarem Police Station sa Pangasinan upang tiketan, ayon sa larawan. Nilabag ni Jollibee ang Republic Act 10054 o ang Motorcycle Helmet Act of 2009?
Nagpahayag naman ng saloobin ang ilang mga netizen sa pagkakahuli kay Jollibee:
“hahaha….pasaway na bubuyoG..nagmotor pa eh may pakpak nman..sana lumipad nlang cya…”
“NOBODY IS ABOVE THE LAW. EVEN IF YOUR A BEE. Hahaha”
“c jollibee nawala n sa sarli mula ng magbrk cla ni hetty!”
Nitong Oktubre 30 naman ay naispatan muli si Jollibee ngunit nakasabit naman sa likod ng isang jeepney.
“Di ba bawal ang sabit?” tanong ng theclubfilipino.
Matatandaan noong Mayo ay nag-viral ang video na ibinahagi ni Tanner Mata sa kaniyang Facebook account, kung saan ay napanood ang pagsayaw ni Jollibee ng ‘Versace on the Floor.’
Well, ganyan talaga pag sikat, Jollibee! Madali kang mapansin!