Mapapakinabangan na ng mga pasahero ang 27 bagong mga elevators ng Metro Rail Transit 3 (MRT-3).
Ang mga bagong install na cable elevators ay mayroong permanent magnet, ‘di gaya ng mga lumang hydraulic elevator models na nagkasira at matagal na hindi nagamit.
Ayon kay MRT-3 General Manager Deo Manalo, ang mga elevator na sasailalim sa pag-mentena ng Powerlift Corporation ay inaasahang makapagpapagaan sa sitwasyon ng mga pasahero lalo na ng mga senior citizens, buntis, at persons with disability.
Maliban sa 27 bagong elevators na mapapakinabangan na, mayroon lang 5 iba pa na nakatakda na ring magamit sa North Avenue, Ortigas, Buendia, at Ayala stations.
Sa January 2017 inaasahang makukumpleto ang installation ng lahat ng elevator.
Habang patuloy naman ang pagkukumpuni at rehabilitasyon sa mga escalators sa bawat train station na posibleng makumpleto naman sa February 2017.
sourceDZIQ990AM